Naniniwala ang Commission on Population Region 2 na malaking epekto ang pagsunod sa family planning method upang matukoy ang Lambak ng Cagayan na pangatlo sa may pinakamababang population growth.
Ito ay matapos manguna ang rehiyon sa bansa sa Contraceptive Prevalent Rate batay sa National Demographic and Health Survey.
Ayon kay POPCOM Regional Director Herita Macarubbo, nasa 3.72 milyon ang populasyon ng rehiyon base sa NDHS 2022 habang pinakamabilis naman umanong tumaas ang populasyon sa CALABARZON.
Dagdag pa nito, makalipas ang ilang taon na pangalawa ang rehiyon sa may pinaka-maraming kaso ng teenage pregnancy ay bumaba na umano ito ngayong taon.
