Binuksan ngayong araw, September 26, ng National Irrigation Administration – Magat Reservoir Integrated Irrigation System (NIA-MARIIS) ang kanilang tanggapan sa bilang suporta sa KADIWA project ng pamahalaan.
Mula 8:30 ng umaga hanggang alas-5 ng hapon mananatiling bukas ang NIA-MARIIS partikular sa kanilang head office sa Minante 1, Cauayan City, Isabela.
Iba’t ibang produkto mula sa mga lokal na magsasaka at mangingisda ang ibinida sa naturang programa kabilang na ang Irrigators Associations na mula pa sa limang Division Offices ng MARIIS.
Kaugnay nito, bukod sa mga pangunahing produktong pang-agrikultura at pangingisda ay magdadala rin ang mga kasapi sa KADIWA program ng mga processed and preserved fruits at gulay, at mga produktong hango sa sinalihang livelihood trainings.
