GITULDOKAN na ang pipila katuig nga ‘clan wars’ nga una nang miutang og kinabuhi ug miguba na og mga propedad.
Kini human napugngan sa LGU, kapulisan ug kasundalohan ang pag-ulbo sa ‘rido’ o clan wars sa Barangay Malabod, Sarangani province, human gihimo ang ‘peace covenant’ tali sa halos duha ka dekada nang away pamilya sa lugar. Matud ni Mayor Maria Theresa Constantino, gihimo nila ang lakang aron mapugngan ang gitawag nga ‘armed’ conflict sa maong komunidad.
Sa bahin sa kapulisan, gibutyag ni Police Lt. Col Jovenson Bayona, hepe sa Malungon Municipal Police Station dako og tabang sa pagpa-ubos sa ihap sa krimen sa lugar ang gihimong lakang sa LGU. Napukaw ang dekada na nga away sa duha ka tribo sa maong barangay human nakagawas sa presohan ang usa ka Ricky Sinaya.
Si Sinaya ang nabalhog sulod sa pito katuig tungod sa kasong pagpagpatay sa anak sa usa ka anak sa taga tribu sa lugar. Gikaengong gikasuko sa pamilyang Malayo ang pagkaangkon og gawasan sa tao nga mikutlo sa kinabuhi sa kabanay sa usa pa kapamilya.
Naa sa gihimong negosasyon ang mga clan leader’s ug ilang representante. Ang rido ang mahimong disaster ug mahimong babag sa sa kalabuan sa usa ka komunidad, dugang sa mayor. I Richel Gubalani