Ro pag angkon it zero major related incidents ro target it Aklan Police Provincial Office (APPO) sa selebrasyon it Senior Santo Niño Kalibo Ati-Atihan Festival 2024.
Raya ro ginpaabot ni PCOL Victorino Romanillos Jr., Provincial Director it APPO sa ginpatigayun nga Send Off Ceremony para sa Initial Deployment of Personnel it PNP.
Bilang head it Task Group Atifest 2024, ginpadumdom ni PCOL Romanillos sa tanan nga Task Units nga ubrahon it mayad ro andang trabaho para mapabilin ro katawhayan ag safety it publiko.
Suno pa kay PD Romanillos, ro pag angkon it zero major related incidents hay bukon eamang it kadungganan it STG kundi it bilog nga komunidad sa Aklan. // ANN DESLENE SALAZAR
