Reymund Titong
KABANKALAN CITY, Negros Occidental — Pipila ka mga anay staff sang Zeia Cares ang gina-reklamo ang nasambit nga kompanya bangud sa gina-alegar pagpangguba sa ila mga imahe kag pag-balhag sang ila mga hitsura sa isa ka papel naga nagalapta sa nagkalain-lain nga lugar.
Ang grupo nga ginapangunahan ni Alma Malala, anay Monitoring Supervisor sang Zeia Cares OPC ang personal nga nagpadulong sa Brigada News FM-Kabankalan, agud ipabutyag ang ila gina-atubang nga problema.
Alegasyon sang grupo, nag resign sila sa ila mga posisyon bangud ila nahibaluan nga ang kompanya ang wala sang naga-kaigo nga dokumento gikan sa Insurance Commission (IC) sa pagbaligya sang ila prepaid plan.
Sa idalum sang Republic Act No. 9829 ukon Pre-Need Code of the Philippines, dapat magkuha sang lisyensya sang IC ang isa ka kompanya nga gusto mag baligya sang lay-away plans sa publiko, kag ang indi pagsunod diri ang isa ka dako nga biolasyon sa layi sang pungsod.
Sa idalum sang Pre-Need Code, dapat ang isa ka kumpanya maga-apply sang lisensya sa Insurance Commission antis maka-baligya sang ila “pre-need plans,” ukon serbisyo nga may kantidad nga ginabayaran sang amat-amat sang isa ka indibidwal.
Sang Setyembre 1, 2024, nagpaguwa sang isa ka statement ang kompanya nga ginapabalo sa mga miyembro sang ZEIA Cares OPC nga may mga tawo nga gina-alegar nagapangguba sa imahe sang kompanya.
Matapos ang natabo, may nabatunan nga mga impormasyon ang grupo nga may nagalapta nga papel sa nagkalain-lain nga lugar sa probinsya nga yara ang ila mga hitsura kag ang balhag nga rason sa ila pagbiya sa kompanya amo ang “Fraudulent sales, conflict of interest, kag slandering of company’s image.”
Sabat sang grupo, wala sila ang nagapangguba sang imahe sang kumpanya, kundi gina-alegar gina painchindi nila ang mga naka kuha sang Life Plan nga dapat siguraduhon nila ang ila mga kwarta.
“Ang amon, wala kami sang pagpangguba kundi ang amon mga plan holders, kumo kami ang nagpasulod, amon man sila kuhaon agud ma-secure ang ila mga ginahulog, especially sa mga farmers naton nga plan holders nga nagaputoy-putoy pangita para agud makabayad sang ila monthly nga Life Plan,” pahayag sang grupo. -BNFM Kabankalan
