BNFM News Desk
CAUAYAN, Negros Occidental — Tuyo sa karun nga libuton sang Sentrong Alyansa ng Mamamayan Para sa Bayan (Sambayanan) sa Negros, ang bug-os nga isla agud maka butang sang cluster organizations.
Pahayag ni Sambayanan-Negros 6th district representative Winefredo C. Doblizo Jr., ila tuyo nga maubos butangan sang clusters ang tanan nga kabanwahanan kag syudad sa bug-os nga isla sang Negros, agud mapaambit ang ila ginaduso nga reporma kag kalinong sa mga pumuluyo.
Ang Sambayanan-Negros ang ginakabig nga isa ka anti-communist group, sa diin ang mga miyembro sini ang mga indibidwal nga gina-sikway ang mga miyembro sang New People’s Army (NPA)
Ini nga mga miyembro ang gikan sa nagkalain-lain nga sektor sang sosyudad – pamatan-on, babayi, mga mangunguma kag iban pa.
Ang banwa sang Cauayan ang labing una sa Negros Occidental nga may natukod nga cluster sang organisasyon, kag may yara sang Memorandum of Agreement (MOA) sa tunga sang nagkalain-lain nga ahensya sang gobyerno, sa paglab-ot sang isa ka kawsa — mahatagan sang mga sustainable nga mga livelihood programs ang mga miyembro sini, samtang ginaduso ang malinong nga reporma sa gobyerno.
Suno naman kay Sambayanan-Negros Cauayan cluster president Ariel Calumboy, iya tingwaan nga ma-implementar nga mga proyekto para sa nakalain-lain nga sekyor.
Apisar, bag-ohan siya sa amo nga posisyon, ginapasalig man niya ang masobra 200 ka mga miyembro sang organisasyon nga maga-serbisyo siya sang tampad.
Opisyal nga na-lunsyar ang Sambayanan-Negros Cauayan Cluster sang Oktubre 16, sa Municipal Gymanasium sang Cauayan, paagi sa isa ka ribbon cutting ceremony. Nagpatigayon man sang walk for peace ang organisasyon antis nag-sugod ang kahiwatan.
Suno pa kay Doblizo, posibli nga ang banwa sang Hinigaran ang masunod nga magka-cluster sang organisasyon sa masunod nga bulan.* -BNFM Kabankalan
