Naging topnotcher sa Guidance Counselor Licensure Examination (GCLE) ro professor it West Visayas State University (WVSU).
Imaw hay si Dr. Ryan Michael Flores Oducado, residente it Sapian, Capiz nga nag-rank 1 ag may rating nga 89.25 percent.
Bukon it raya ro unang kahigayunan nga si Oducado hay naging kaparte it topnotchers list para sa sangka board exam.
Ku 2014, nabuoe ni Oducado ro ikaywang pinakamataas nga marka sa Midwifery Licensure Examination.
Si Oducado hay presente nga nagaserbi bilang director it WVSU University Research and Development Center ag assistant professor sa College of Nursing. / ANN DESLENE SALAZAR
