Nanawagan ang World Health Organization sa mga manufacturer na pabilisin ang produksyon ng mga bakuna kontra monkeypox kasunod ng tumataas na kaso ng naturang sakit.
Ayon sa WHO, hindi sapat ang kasalukuyang supply ng bakuna para mapigilan nito ang pagkalat ng mpox.
Hinimok naman ng WHO ang mga bansang may sapat na suplay ng naturang bakuna na i-donate muna ito sa mga bansang mas kailangan ng mpox vaccine.
Apela ng WHO sa publiko na kailangang magtulungan na ang mga bansa upang makontrol ang pagkalat ng naturang sakit.
