Base sa kumpirmasyon it Police Region Office 6 (PRO-6) uwa eun it “big-time” drug personality sa Western Visayas matapos ro pagkamatay it nagapanguna nga drug suspect nga si Ernesto Bolivar.
Sa gihapon, padayon ro kampanya it mga otoridad kuntra sa iligal nga droga sa rehiyon.
Matandaan nga si Bolivar hay ginreport nga namatay bangud sa COVID-19 sa Manila. Si Bolivar man hay ginkilaea it PRO-6 bilang No. 1 drug personality sa rehiyon bangud sa pageapas sa Comprehensive Dangerous Drugs Act of 2002 (Seksyon 5, Artikulo II) sa idaeom it Criminal Case No. 17-8454 kasunod sa pagkamatay it mga drug lord nga kanday Melvin Odicta Sr. ag Richard Prevendido./JIL B. LACSON
