ILOILO CITY – Naglista it 13 bag-ong recoveries sa covid-19 ro Western Visayas base sa Covid-19 Regional Case Bulletin as of April 23, 2022.
Nailista man it Department of Health Western Visayas ro limang bag-ong kaso it covid-19 samtang owa man it nailistang namatay bangud sa virus.
Sa nasambit nga kaso, tatlo kara ro halin sa probinsya it Iloilo samtang may tig-sambilog nga kaso sa Iloilo City ag Bacolod City.
Nagnaba man sa 1,401 ro aktibo o owa pa nagamayad sa covid-19 sa Western Visayas. / ANN DESLENE SALAZAR
