Ro Western Visayas hay ginapidaeom eun sa bag-ong quarantine alert level system umpisa makara, Nobyembre 1.
Ro policy shift hay ginrekomenda it Inter-Agency Task Force for the Management of Emerging Infectious Diseases (IATF-MEID) ku Biyernes.
Sa idaeom it Resolution 146-A it IATF-MEID, umpisa sa Nobyembre 1 hasta Nobyembre 14, ro Bacolod City hay ginpa-idaeom sa Alert Level 4 samtang ro Iloilo City hay Alert Level 3.
Ro mga lugar ag probinsiya nga ipidaeom man sa Alert Level 2 hay ro Iloilo, Negros Occidental, Antique, Aklan, Capiz, ag Guimaras.
Ginkumbinse man ni Presidential Spokesperson Harry Roque ro mga residente it Western Visayan nga padayon nga pagasundon ro ginapatuman nga mga health protocols bangud banta sa gihapon sa nasyun ro COVID-19.
Ku Oktubre 29, ro Region 6 hay may 10,435 aktibo nga mga kaso it COVID-19 halin sa kabieogan nga 142,409./JIL B. LACSON
