CAMARINES SUR- Magdiriwang ngayon ng Valentine’s Day nang walang tubig ang mga residente ng ilang barangay sa Sagñay, Camarines Sur.
Ayon sa Partido Development Administration-Partido Water Supply System (PDA-PWSS), apektado nang pagkawala ng tubig simula alas-9 ng umaga hanggang alas-4 ng hapon ang porsyon ng Barangay San Isidro, Santo Niño at Nato dahil sa pagsasaayos ng mainline leak sa Barangay La Purisima at Nato.
Kinaumagahan, huwebes, Pebrero 15, makararanas rin ng water interruptions ang ilang lugar sa Tigaon at bahagi ng San Jose, kabilang ang lahat ng barangay sa bayan ng Goa na sakop ng PWSS simula alas nueve ng umaga hanggang alas-5 ng gabi.
