Plano makarun it LGU Kalibo nga makaangkon it Warehouse para may butangan it mga gamit para sa nagkasari-sari nga mga importanteng okasyon it Kalibo.
Sa pagpahayag ni SB Member Ronald Marte, kinhangean it Warehouse it Munisipyo para sa mga pungkuan, lamesa, mga props para sa Ati-Atihan Festival ag iba pa.
May una eon nga lugar para sa planong ipatukod nga Warehouse sa Barangay Nalook, Kalibo.
Gindugang pa ni Vice Mayor Cynthia Dela Cruz nga may pilang mga opisina ro Munisipyo nga nagakinhangean man it lugar para sa mga dokumento ag mga papeles.
Mas mayad segun nga may Warehouse ro Munisipyo para madaling ma-inventory ro mga kagamitan it LGU. // ANN DESLENE SALAZAR
