Pakyas sa pagkuha og police clearance ug nasikop hinoon sa kapulisan ang usa ka lalaki human nga nasayrang wanted kini sa kasong rape.
Una niini, nagkuha unta og police clearance sa Wao, Lanao del Sur ang usa ka Ricky Mendez ug residente sa Sitio Kapingis, Barangay Pilintangan, Wao, Lanao del Sur, apan nasayran base sa datos sa kapulisan nga dugay na diay kining pinangita gumikan sa kasong lugos dinhi sa Sta. Ana Police Station, Davao City.
Nasayran nga ang warrant of arrest sa kasong rape gipagawas sa korte niadto pang Enero 5, 2021 ug wala kini gi-rekomendang piyansa.
Kalakip sab si Mendez sa top 9 most wanted sa Sta. Ana Police Station.
Gikatakda nga ibalik dinhi sa dakbayan sa Davao si Mendez alang sa commitment order ug aron masugdan na korte ang pagdungog sa iyang kaso.
Gumikan sa bag-ong teknolohiya sa pagkuha og police clearance o gitawag nga National Police Clearance diin ikatandi na kini sa National Bureau of Investigation Clearance diin makita sa datos sa kapulisan kung kalakip ka ba sa mga listahan sa e-warrant o electronic warrant.
