Mukabat sa kapin P80Mil kantidad sa ginadili nga droga ang nasakmit sa Philippine Drug Enforcement Agency Regional Office XI kaabag ang Davao del Sur Provincial Office ug Digos City Police Station atol sa gilusad nga drug buy bust operation sa Barangay Zone 1, Digos City, Davao del Sur.
Nadakpan sa maong operasyon mao si Nur Aniza Pacalna alyas Aniza, 42-anyos, gikonsiderang ika-9 sa drug watchlist sa Davao Region human nga naaktuhang napalitan og pakete sa gituohang shabu nga mikantidad og P6,000.
Atol sa maong operasyon nabungkag ang drug den diin nasikop ang usa ka Karim Malli ug na rescue ang duha ka mga menor-de-edad.
Nakuha sab gikan sa mga dinakpan ang upat ka pakete sa gituohang shabu nga gibana-banaan nga mutimbang og 12gramos nga mukantidad og P81,600.
Kasamtangan, paslak na sa bilangguan samtang kasong kalapasan sa RA 9165 kon Comprehensive Dangerous Drugs Act of 2002 ang atubangon sa mga dinakpan.
