Kulong sa Kalibo Municipal Police Station ru wanted person nga may kasong murder sa syudad it Iloilo matapos serbihan it warrant of arrest sa isla it Boracay.
Nakilaea ru akusado nga si Aaron Abalajon, 38- anyos, residente it Pototan, Iloilo apang presenting naga estar sa Sitio Lugotan, Manocmanoc Boracay, Malay, Aklan.
Gin aresto it mga personnel it Malay PNP, 2nd Aklan MFC at Intel Operatives it Kalibo MPS sa bisa it Warrant of Arrest nga may Criminal Case No. 2110081.
Ru warrant of arrest hay gin issue ni Hon. Domingo L. Casiple, Assisting Judge, RTC 6, Judicial Region, Branch 68, Monfort North, Dumangas, Iloilo nga may petsang Hunyo 28, 2021.
Uwa it piyansa nga gin rekomenda ru korte para sa temporaryong kahilwayan it akusado.//MARIVIC Y. ILIN
