KALIBO, AKLAN — Arestado ro sangka wanted person sa Brgy. Andagao Kalibo, Aklan.
Ginkilaea ro inarestong si Jaylord Dela Cruz 19yo it nasambit nga lugar ag nagapangatubang sa kasong robbery.
Ginserbi kana it mga otoridad ro warrant of arrest nga may criminal case no. 2318-A nga gin-isyu ni Hon. Alicia Cruz Barrios, Presiding Judge ng Municipal Trial Court Kalibo, Aklan ag may petsang February 17, 2022.
Nagtaeana man ro korte it piyansang P18,000 para sa anang temporary nga kahilwayan.
Sa makarun hay kulong si Dela Cruz sa Kalibo PNP. / ANN DESLENE SALAZAR
