Wanted person ng amay kasong Reckless Imprudence Resulting to Homicide, nadakpan it Batan MPS

Na aresto ru sangka wanted person sa gin himo nga man hunt operation it Batan MPS matapos  matapos serbihan it warrant of arrest sa kasong Reckless Imprudence Resulting to Homicide.

Nakilaea ru wanted person nga si George Bautista y Igus, 68 anyos ag residente it Brgy. Cabugao, Balete, Aklan.

Gin serbe ru warrant of arrest nga may Criminal Case No. 3313-B nga gin issue ni Hon. Rhea Imperial, Presiding Judge it Municipal Circuit Trial Court it 6^th Judicial Region sa New Washington nga may petsang August 7, 2023.

Naga balor it P100,000 nga pyansa ru gin rekomenda it korte para sa tempoaryng kahilwayan it wanted person.

Presenting sa costudiya eon it Batan MPS  ru wanted person.//MARIVIC Y. ILIN

BNFM Kalibo