LEGAZPI CITY – Sinairarom sa denim basic sewing and up-cycling training an 20 mga babaying evacuees gikan sa banwaan kan Camalig, Albay.
Nagdurar an training nin apat na aldaw na may obhetong matawan nin kaaraman asin kasanayan sa entrepreneurial skills in arts and crafts asin sa pagbubusol sa negosyo na pigpapadalagan kan mga kababaehan na nagpapaheling na pwedesir makakua nin income hale sa mga produktong makukua sa lugar.
Pinangenotan ini kan Department of Agriculture Regional Field Office (DA-RFO) V sa pakikipagtabangan sa LGU.
Apwera kaini, an ahensya nanao man nin sewing starter kits asin sanitary kits sa mga kabale sa training.
