WALAY illegal logging activities sa Maitum, Sarangani Province tungod hugot kining gibantayan sa LGU pinaagi sa gimugna nga task force. Kini ang tubag ni Mayor Alexander Bryan Reganit sa mga nagsulti nga dili rason sa pagbaha sa lugar mao ang illegal logging.
Gihagit niini ang nagbutyag nga dunay samang aktibidad sa lugar nga moadto sa Maitum og tan-awon mismo ang lugar. “Mayron naman tayong task force na naghuhuli dyan sila ang makapagsabi kung may nag-illegal (logging) o wala, sa totoo lang dito ngayon sa Maitum kaya nga sinabi ko nga yung mga illegal logging na sinasabi nila puro tsismis lang, eh kung gusto nila e-check nila dito sa Maitum para malaman nila kung totoo ang nakaabot sa kanila atsaka totoo ba yung sinabi ko para magkaalaman na,” asoy ni Reganit.
Samtang bahad sa mayor sa mosulay sa paghimo sa iligal nga aktibidad sa lugar dili lang sumala pa sila magpasakop. Apan giangkon niini nga dunay mga indibidwal nga nagpahigayon og kaingin isip pangabuhian. Giawhag ni Beth Ramos, local environmental protection advocate ang gobyerno nga sugdan ang paglantaw sa rason sa pag-overflow sa sapa.
Ang pagbaha dungan sa pag-overflow sa Pangi Rivera dungan sa Low Pressure Area (LPA) ang sapa gikonsiderang usa sa labing limpyo nga sapa sa nasud. Ang maong sapa ang dunay na matud pa nga wala nag-over flow. Gikaengon nga dunay illegal logging activities sa utlanan sa Maitum ug Kiamba lakip sa Lake Sebu sa South Cotabato.
Ang Maitum ang gipailawom na sa state of calamity human sa milyong kantidad sa nadamyos sa agrikultura, imprastraktura , livestock asa 700 ka pamilya ang naa sa evacuation area. I Richel Gubalani
