ANGAYANG imbestigahan ang hinungdan sa pag-collapsed sa Kalaong bridge III sa Maitum Sarangani- Lake Sebu, South Cotabato road. Matud ni Engr. Jerry Belbider, labaw sa Sarangani Provincial Engineer Office aron makita kung ‘substandard’ ang proyekto.
“Sa akin lang nakita ko sa picture, naga-expose naman ang footing, footing man lang siya walay mga kabilya nga nag-connect sa pelote, butyag ni Belbeder. Dugang niini, importante nga parte sa pundasyon sa konstrusyon ang ‘footing’ nga ma-konekta sa pelote o concrete piles. Gihingusgan ni Belbeder, kung sakto ang konstruksyon sa estraktura dili kini mo-collapsed luyo sa kadako sa baha.
Butyag usab ni Engr. Jonathan Bantug, district Engineer sa Department of Public Works and Highway (DPWH) – Sarangani nga miagi sa proseso ug pagtuon ang mga proyekto bag-o kini himoon. “Kanang trabaho namo sa DPWH, nag-agi na siya sa maayo nga proseso ug naa silay mga guidelines nga ginasunod with regards sa construction method may mga test nga gina-conduct kung pasado o dili, with regards sa calamity nga ginatawag dili nato matagna labi na kung kusog,” asoy ni Engr. Bantug.
Nagsumite na ang DPWH-Sarangani og calamity damage report aron maka-request og pondo. Ang maong tulay ang gipangayoan nila og P80 milyon tungod kini ang totally damage samtang P2 milyon ang repair sa Kalaong bridge II. Ang tulay ang natukod atong 1997, naguba ang tulay dungan sa pagbaha dihang miove-flow ang Pangi River tungod sa Low Pressure Area (LPA). I Richel Gubalani
