Humupa na ang tensyon sa Russia matapos i-atras ng Wagner Mercenary Group ang planong paglusob sa Moscow.
Ito’y matapos mamagitan ang Pangulo ng Belarus upang maiwasan ang kaguluhan sa lugar.
Napagkasunduan din na hindi na kakasuhan ang mga miyembro ng grupo.
Bago ito, maaalalang nag-aklas ang grupo sa pamumuno ni Yevgeny Prigozhin dahil pinabayaan umano sila ng mga sundalo sa bakbakan sa Bakhmut at pinapatay pa anila ang kanilang mga kasamahan.
Ang Wagner ay para-military na katuwang ng Russia sa paglusob sa Ukraine.
