Pormal nang nagpaabot ng pagbati si outgoing Vice President Leni Robredo kay VP-elect Sara Duterte.
Sa isang pahayag, tinanggap na ni Robredo ang imbitasyon ni Duterte na magkaroon ng initial meting sa pagitan ng kanilang mga transition teams.
Ayon kay Robredo, handa ang kanilang kampo na makipag-kita sa team ni Duterte at gawin ang lahat ng mga kinakailangang hakbang para sa maayos na pagsasalin ng opisina.
Tiniyak din nito na handa silang sagutin ang anumang katanungan at iba pang pangangailangan nina Duterte.
Itinalaga naman ang chief-of-staff ni Robredo na si Usec. Philip Dy upang contact person sa transition team ng incoming VP.
#
