KALIBO, AKLAN—Humampak eon sa 300 do mga binawian it kabuhi bangud sa COVID-19 complications sa bilog nga probinsya it Aklan.
Nagapanguna sa gihapon do banwa it Kalibo sa may pinakamaabong COVID-19 related deaths nga nagaabot sa 113 ginsundan it Banga nga may 24; New Washington 23; Ibajay 21; Numancia 19; Makato 15; Nabas 14; ag Batan nga may 10.
Samtang, sa ginpaguwa nga datos it Aklan Provincial Epidemiology and Surveillance Unit, nagaabot sa 41% do positivity rate it probinsya matapos madugangan it 65 do panibagong kaso.
As of September 3, 2021, do Aklan hay may 11,896 nga kabilugan nga kaso, 11,078 total recoveries ag 518 active cases. // SHERRY ANNE REUNIR-VIDAL
