Dead on the spot an usa nga lalaki mahuman nga pag paninigbason han iya kainuman ha Sitio Upper Brgy. Tabunok Villaba, Leyte kakulop han alas dos han maagahon, Hulyo 6, 2023.
Ginkilala an bikima kan Rufino Marikit Y Arufo, 57 anyos, parag-uma samtang, ginkilala naman an suspek kan Carlos Camugaw Y Duarduados, 60 anyos, ngan pareho an mga ini residente han pareho nga barangay.
Sumala kan PSAgt. Roel Bontes, Imbistigador han Villaba PNP, basar han ira ginbuhat nag imbistigasyon, banda alas dos han maagahon samtang nag-iinum an duha han tigda na la daw nga mag isog an suspek han sawayon ini han iya asawa.
Waray pag dugay in kumuha ini hin sundang para taw-tawon an iya asawa pero naka dalagan ini, dumaop an biktima ngan gin sagdonan an suspek pero imbis nga bumali ini tigda nala nga paninigbas an biktima ngada han kamatay.
Gin probaran pa nga taguon han suspek an patay nga lawas han biktima ha may ligid han sapa ha may Brgy. Cagnocot pero nakit-an ini han pira nga residente nga gin report dayon ha kapulisan.
Dayon naman liwat nga nag surrender an suspek nga gin amin an kremin, ngan yana in maatubang ini hin kaso nga homecide.
