Napalgang patay ang usa ka Senior Citizen sulod sa katubhan pasado alas 7 kagabie sa So. Sto. Rosario Brgy. Rizal dakbayan San Carlos Negros Occidental.
Ang namatay naila sa kapolisan nga si Listina Cabaluna, 77 anyos usa ka residente sa nahisgutang lugar.
Sa imbestigasyon sa kapolisan nasayran nga pasado alas 8 sa buntag mibiya kining 77 anyos ug wala na mabalik sa iyang pinuy-anan.
Sa subrang kahingawa sa iyang pamilya nga wala na mauli ang 77 anyos ila kining gipangita ug didto sa sulod sa katubhan ilang nakita nga wala nay panimuot ang senior citizen.
Gidala sa usa ka punerarya ning dakbayan ang lawas sa senior citizen ug gideklarang patay sa attending physician ug Cardiac Arrest ang hinungdan sa iyang kamatayon.
