NA-RESCUE sa Fatima Police Station ang usa ka menor de edad human nga na-rescue sa usa ka buy bust operation nga gihimo sa Fil-am Road gabei sa Hulyo 12.
Subay sa talaan sa Fatima PNP ang buybust operation gipahigayon sa Purok 24 Fil-am Road ug ang target mao ang usa ka nagpangalang Adrian alias Yuri, 18-anyos, factory worker nga taga Bliss Extension, Calumpang apan nakasibat kini sa operasyon.
Samtang nabilin ang usa ka menor de edad nga lalaki, kung asa nakuha sa pulis ang buybust money nga P200 pesos, nakuha usab sa pulis ang usa ka putos sa gidudahang dahon ug mga sanga sa marijauana.
Ang na-rescue nga menor de edad takdang dalhon sa Bahay Pagasa samtang kasohan gihapon ang nakasibat nga target kalabot sa Section 5 sa RA 9165.
Sa dugang impormasyon sumala sa labaw sa Fatima PNP nga si PM Rissa Hernaez gitugyan na nila sa City Social Welfare and Development Office kon CSWDO ang 15-anyos nga na-rescue sa buy bust operation buntag sa Hulyo 13 apan pasakaan gihapon nila kini og kaso may kalabotan sa Section 5 sa RA 9165 gumikan ilawom sa balaud mahimo na nga makasuhan ang naga-edad 15-anyos.
Sumala kay Hernaez ang menor de edad gayod ang nasakpan kay mao gayod ang nitunol sa usa ka putos nga gidudahang marijuana ug nidawat sa kwarta samtang pasakaan gihapon og susamang kaso ang nakasibat.
Samtang mangayo ang pulis og resulta sa asseshment sa CSWDO alang sa ginatawag nga discernment kon inosente o nasayod na sa salaud ang minor, dinhi masayran usab kon ginagamit lang kini sa pagbaligya sa ginadili nga druga unya i-submit ngadto sa korte. ( Ever Diazon)
