NAANGOL ang usa ka konduktor sa bus human nga nabanggaan ug usa ka sakyanan samtang kini naghulat ug masakyan sa Conel Road kaadlawon sa Hunyo 29, 2023.
Subay sa talaan sa Dr. Jorge P. Royeca Hospital ang biktima mao si Jason Kent Conol, 38-anyos, minyo nagatrabaho sa usa ka bus company isip conductor.
Sa paghinabi sa Brigada NewsTeam kay Conol gisulti niini nga wala niya naklaro ang sakyanan lakip ang plate number kay paspas ang hitabo ug nakuyapan siya.
Naningkamot siya nga maka kamang apan naglisod siya mao nga nanawag nalang kini sa iyang asawa, nadala siya sa tambalanan gumikan nisakit ang iyang ulo, nakasuka siya og dugo unya adunay samad ang iyang tuhod.
Gidugang sa biktima nga igo lang siya nga gitan-aw sa naka bangga kaniya, dayon sibat.
Nagapakilouy ang asawa sa conductor nga si Cherry ngasto sa nakabangga nga kon mahimo motabang kanila gumikan aduna silay usa ka tuig nga bata nga ginagatas.
Gidugang usab sa biktima nga mo adto unta siya sa iyang amahan sa Cagayan De Oro nga bedridden na unya gipatawag na ang mga anak apan na biktima siya sa hit and run. I Ver Diazon
