KASONG pagsupak sa Republic Act 11900 ang atubangon sa mga retailers nga mamaligya sa vape sa mga menor de edad.
Sa advisory nga gipagawas sa Department of Trade (DTI-12), nakalatid sa section 6 sa nasampit nga balaod nga mga nag-edad 18-anyos pataas lamang ang tugutan nga makapalit ug makagamit sa vaporized nicotine ug non-nicotine products.
Kinahanglan nga ang mga mopalit, adunay ipakita nga mga ID kung asa nabutang ang birth date aron nga masayran ang ilang edad.
Gibutyag sa maong opisyal nga ang mga retailers nga makasupak sa probisyon ang posible nga makamulta sa dili moubos sa P10, 000 ug mabilinggo nga dili moubos 30 ka adlaw.
Nasayran nga niadtong nakalabay nga mga adlaw nagpahigayon og inspection ug monitoring ang DTI sa pipila ka mga lugar sa rehiyon aron nga masuta kung nakasunod nila ang maong balaod.I Richel Gubalani
