GIKUMPERMA sa usa ka ginang nga nagpuyo duol sa lugar kung asa napalgan ang patay nga lawas sa trabahante sa usa ka salon nga nakadungog siya ug tingog sa tawo nga nagapangayo og tabang.
Sa paghinabi sa Brigada News Team kay Jasmin Gomez gisulti niini nga alas 11 sa gabii gamata pa siya ug sa kalit lang nanagan ang iyang mga iro ug agunay gipaghot duol sa dalan,apan iyaha lang gitawag pabalik ang iyang mga iro.
Gidugang ni Gomez nga adunay saba sa dalan kay sa panahon nga ginahimo pa ang sementado nga dalan saba ang mga panday kon gabii.
Nakuratan nalang usab siya pagkabuntag sa dihang adunay patay nga lawas sa ubos sa kanal ug wala usab siya makaila lakip ang mga silingan, naghangyo usab kini nga butangan og suga sa barangay ang lugar.
Sumala kay Kagawad Antonio Talle sa Bula nga duol sa Gensanville Subdivision ang lugar apan sakop kini sa Carcon, Lagao unya lakip sa Area of Responsibility sa Bula PNP. I Ver Diazon
