NAANGOL ang usa ka Pedestrian human nga nabundol sa usa ka motorsiklo sa dalang Makar Siguel National Highway atbang sa usa ka simbahan sa Barangay Calumpang, General Santos City.
Subay sa report sa Traffic Enforcement Unit kon TEU ug nagrespondi si Patrolman Villamor sa lugar nga nahitaboan pasado alas kwatro sa kaadlawon.
Ang biktima naila sa pangalan nga Eduardo Arancina, 39-anyos ulitawo nga taga Lower Acharon Calumpang.
Nasamad ang iyang kamot ug nanakit ang kalawasan human sa insidente.
Ang gitudlo nga naka bundol mao ang usa ka motorsiklo na gimaniho ni Paul Jagonob, 29-anyos, ulitawo nga taga Purok Soriano, Barangay Sinawal.
Ang impormasyon nagadagan ang motorsiklo gikan sa presento singko padulong sa Calumpang sa dihang nitabok ang pedestrian ug nabundol sa motorsiklo. I Ver Diazon
