Gina tutukan it Banga MPS ru pagbaril patay kay Marte Dalida, sangka 38 anyos ag residente it Brgy. Venturanza, Banga, Aklan.
Natabo ru krimen sa Brgy. Libas, Banga, Aklan samtang naga maneho it motorsiklo ru biktima.
Naka angkon it 6 nga tamat pagbaril sa ibat-ibang parte it kaeawasan dahilan it gulpihan nga pagkamatay.
Sa pagresponde it mga otoridad sa crime scene, nakita ru 7 bala it baril.
Nabatian pa it mga pilang ka mga residente sa lugar ru 5 sunod-sunod nga eopok it baril.
Kun matandaan, si Dalida hay gin pabangdan nga imaw ru suspek sa pag-eabo patay sa Sitio Maeobog Brgy. Calizo, Balete, Aklan ku nagtaliwan nga buean.//MARIVIC Y. ILIN
