LEGAZPI CITY – Dai pighuna kan Legazpi City Task Force Kalinisan at Kaayusan na rurusuon nin grabeng tawo an mga kampo santo sa syudad kan Legazpi kasuudma, Nobyembre 1.
Sa intrevista kan Brigada News FM Legazpi kay task force head Mark Andy Marbella, sinabi niya na huli kan mahibog na volume ki mga tawo, nagkaigwa man nin magabat na bulos nin trapiko sa mga tinampo sa syudad.
Sainda su boot na nanotisyaran na mas naggrabe an mga tawo kan nagpatak an banggi huli ta grabe man an init na naeksperyensyahan sa syudad kasuudma na aga.
Dai niya su boot piglaoman na haros doble an populasyon kan mga tawo sa laog kan mga kampo santo, kaya huminagad man ini nin pasensya.
Mientrastanto, naglalaom si Marbella na ngunyan na aldaw, dai na mangyayari an siring na gabat nin trapiko sa mga tinampo.
