Nakilaea eun it mga kapulisan ro taxi driver nga nanghipo segun it sambilog ka dalagita sa Bacolod City.
Base sa panaysayon it Bacolod City Police Office (BCPO) Women and Children’s Protection Desk (WCPD), sambilog ka operator it taxi unit ro nagbulig sa nagreklamong dalagita agud makilaea ro taxi driver nga nagbastos kana.
Ginpahayag man it operator nga bukon nanda it empleyado ro akusado kundi nagbulig eamang sanda agud mataw-an it hustisya ro dalagita.
Sa presente, ginapahaom eun it pamilya it dalagita ro mga dokumento sa pagpasaka it kaso kuntra sa taxi driver./JIL B. LACSON
