Nagpositibo sa drug test ro senior citizen nga naboe-an it 8 sachets it suspected shabu ag sangka .38 revolver nga baril sa drug buy bust operation sa Sitio Banlok Brgy. Santa Cruz, Lezo, Aklan.
Matandaan nga ginkilaea ro subject person nga si Elezer Retuba, 64 anyos, owa it trabaho ag residente it nasambit nga lugar.
Ginpatigayun ro operasyon it gintingob nga pwersa it Aklan PPO-PDEU sa pagpamuno ni PMAJ Frensy Andrade sa supervision ni PCOL Victorino Romanillos, Jr., Police Director it Aklan PPO ag Lezo MPS sa pagpamuno ni PLT Jover Ponghon.
Paga kasuhan it pag eabag sa Republic Act 9165 section 21 o Comprehensive Dangerous Drugs Act of 2002 ro subject person. // ANN DESLENE SALAZAR
