Nagapati ro mga kapulisan nga may mabahoe nga posibilidad nga may koneksyon sa iligal na droga ro motibo sa makangingidlis nga pagpatay kay Glenn Paul Castillo sa Rosario Street, Brgy. 38, Bacolod City ku Agosto 31.
Matandaan nga nakit-an ro eawas ni Castillo nga uwa eun it ueo sa gilid it kaesada.
Base sa imbestigasyon it Police Station 1 sa Bacolod City, nadakop eun dati ro biktima sa sambilog ka drug buy bust operation ku Agosto 22 kaibahan ro anang live-in partner sa Deca Homes Subdivision sa Brgy. Cabug.
Pagkataliwan it pila ka inadlaw, nagpiyansa si Castillo agud makalaya.
Base pa sa dugang nga impormasyon, may mabahoe nga chansa nga nakaangkun it kautangan si Castillo angut sa illegal nga droga bangud sa nakit-an nga karatula sa iping it bangkay.
Base sa mga kapulisan, mabahoe ro kaugot it suspek sa biktima bangud sa mga naangkun nga mga nina sa maeain-eain nga parte it eawas.
Posible man nga kieaea ni Castillo mga suspek .
Padayon man ro imbestigasyon sa insidente./JIL B. LACSON
