Nagapadayun ro ginapatigayun nga manhunt operation it Numancia PNP sa suspek nga ginasugid nga nagbuno-patay sa sangka 13yo nga binatilyo sa may banwa it Numancia, Aklan.
Ginkilaea ro suspek nga si Joel Francisco 18yo it Purok 6 Brgy. Camanci Sur, Numancia.
Base sa imbestigasyun it WCPD it Numancia PNP, nagabakae it ice ro 13yo nga biktima kat sitahon it magueang it suspek.
Ginkaakig segun it biktima ro pagsita kana ag nagsugid raya sa anang grupo rasun nga sinukob nanda ro baeay it igmanghud it suspek ag ginkabuliganan raya nga sakiton.
Bangud kara, nagbuoe it kutsilyo ro 18yo nga suspek ag ginbuno ro biktima rasun para mamatay raya. / ANN DESLENE SALAZAR
