Under investigation gihapon ro gintunaan it sunog nga natabo kaina bandang alas 11:40 it udtro-adlaw sa sangka luma nga building sa may Oyo Torong St., Kalibo, Aklan.
Sa interview it Brigada News FM Kalibo kay SFO4 Ogie Villanueva, nag umpisa ro sunog sa 2nd floor it pinakaulihing stall sa nasambit nga building.
Naabo gid ro nasambit nga old building ag ro pila ka mga naga rentang stalls sa idaeum kara bangud himo raya sa light materials.
Daywang firetruck it BFP Kalibo ro gindeploy ag nagbulig man sa pagresponde ro mga BFP Banga, New Washington, Numancia, Makato ag Malinao.
Bandang alas-12:25 it hapon kat ideklarang under control ro kaeayo.
Samtang, sa kasagsagan it sunog hay may daywa ka miyembro it BFP Kalibo ro naninahan it yero ag sangka sibilyan. / ANN DESLENE SALAZAR
