Binaril patay ru sangka eaeaki it uwa pa makilaeang suspek samtang naga ihapon sa andang panimaeay kaibahan ru anang live-in partner sa may Sitio Banlok Brgy. Rosario, Malinao, Aklan.
Sa initial nga imbistigasyon, nakilaea ru biktima nga si Jefrey Isuga Demandante Alyas Didong, 30 anyos ag residente it Brgy. Cabayugan, Malinao, Aklan.
May nabati-an nga tatlong eopok it baril ag ulihi eon nakitang may patal nga tamat pagbaril sa dughan ru biktima rason nga eaging gin daea sa hospital it pilang ka mga residente sakay it topdownag ku ulihi hay gin saylo sa ambulansya it MDRRMO Malinao para daehon sa hospital apang gin deklara it doctor nga dead on arrival.
Eagi man nga naghimo it maid-id nga imbistiagsyon sa SWAT, Scene of the CROME Operative (SOCO) ag Malinao MPS.//MARIVIC Y. ILIN
