NUMANCIA, AKLAN — Ginpasakaan eon it kasong Parricide ro ama nga nagbuno sa anang kaugalingon nga unga sa Brgy. Navitas, Numancia, Aklan.
Base sa report sa Numancia PNP, ginkilaea ro biktimang si Glenn Alicante 37yo samtang ro suspek nga anang tatay hay si Jose Alicante 66yo, mangingisda ag parehung residente sa lugar.
Owa it eabot sa kasong parricide hay kinasuhan man raya it pag-eabag sa Comelec Gun ban bangud narekober it mga otoridad sa anang posisyon ro kutsilyo nga anang ginamit sa pagsaksak sa anang unga.
Nag abot man sa P236,000 ro piyansa nga gintaeana it korte para sa temporaryong kahilwayan it suspek.
Matandaan nga umuli nga hilong ro suspek sa andang baeay ag naga sinangag rasun nga sinita it biktima rasun agud maakig raya ag magbuoe it kutsilyo ag ginbuno ro anang unga. / ANN DESLENE SALAZAR
