Naga pangatubang sa kasong pag eabag sa RA 10591 o The Comprehensive Firearms and Ammunition Regulation Act ro sangka senior citizen sa Sitio Sumaeagi Brgy. Aranas, Balete, Aklan.
Raya hay matapos madakpan it baril nga Smith & Wesson Magnum 357, sangka homemade shotgun, holster it baril ag mga bala.
Ginkilaea ro suspek nga si Lito Tayco 64yo, taga Brgy. San Roque Malinao ag sangka caretaker sa Brgy. Aranas, Balete.
Sangka concerned citizen ro nag-imporma sa mga pulis nga nakikipag-inuman sa sangka birthday ro suspek nga may bitbit nga baril ag nagpa-eupok pa raya.
Sa makarun hay nakakulong ro suspek sa Balete PNP. / ANN DESLENE SALAZAR
