GIAWHAG sa health authorities sa GenSan ang mga residente nga wala pa nabakunahan batok Covid-19 nga magpabakuna na. Partikular gipanawagan ni Dr. Fidel Peñamante, Philippine Medical Association (PMA) local chapter President ang mga ginikanan ug guardian sa mga bata edad 11 hangtud 5-anyos.
Matud niini, posibleng pagsugod ang pagbakuna sa mga bata sa sunod semana sa mga pipila ka eatablisimento sa dakbayan. Dugang niini, importante nga mabakunahan tungod target sa bag-ong strains sa virus ang mga unvaccinated sama sa mga bata. Ang pag-awhag niini, dungan sa pagkumpirma sa LGU atong Sabado sa pag-detect nila sa unang duha ka nadokumentong kaso sa Covid-19 Omicron variant infections sa dakbayan.
Asa kini ang gituohang rason sa subling pagsaka sa kaso sa infection sa GenSan gikan sa unang semana sa Enero ug nakita ang ‘peak’ sa cases atong Enero 13 ug 14. Una nadetect ang variants sa 26-anyos nga babayeng buntis ug 62-anyos nga lalaki. Samtang sa datus vaccination bulletin naa na sa 358,173 or 76.87% sa 465,938 residents eligible sa siyudad ang nabakunahan na. Ang GenSan ang usa gipabiling naa sa Alert Level 3 hangtud Pebrero 15. I Richel Gubalani
