Binaril it sriling ama ru sangka 22 anyos nga ungang eaeaki matapos magka diskusyon sa Brgy. Brgy. Tambuan, Malinao, Aklan.
Sa initial nga imbisitgasyon, naka angkon it tama’t pag baril sa tuo nga paa ru biktima matapos barilon it sariling ama sa legal nga edad.
Nasayuran nga dumaog it P56, 000 sa Small Town Lottery (STL) ru ama rason nga nag-inuman it maka hi-ielong nga ilimnon kaibahan ru mga kabarkada.
Gin puna it bitkima ru suspek nga indi mag sangag bangud may eapsag nga naga katueog apang gin kaugot it suspek.
Ikara nag-umpisa ru pag saeabtanan ag nauli sa pag baril sa biktima.
Eagi man nga gin daea sa hospital ru biktima ag padayon pa nga gina bueong.
Sa pag responde it mga kapulisan, nakumpiska sa suspek ru 38 kalibre nga baril.
Sa makaron, kulong ru tatay sa Malinao Municipal Police Station para sa naga kaigo nga disposition.//MARIVIC Y. ILIN
