NAGHINGALO na ang LADOTRANSCO sa GenSan tungod sa dakong utang nga wala mabayran tungod wala usab nahatag ang ayuda alang kanila alayon sa naaprobahan nga Special Support Fund sa syudad.
Kini segun ni Kagawad Dominador Lagare Jr. nga gumikan matud pa kini sa pagharang sa City Legal Officer sa Ordinance number 58 nga nagtumong sa paghatag og ayuda sa transport sector alayun sa modernization program sa GenSan.
Gibasol usab ni Lagare si City Legal Officer Armando Clarin sa pagkalabo labo na sa maong ordinansa tungod kaniadto pa unta kini mitingog dili nga nahuman na ang pagpasa sa ordinansa ug gihulat na sa mga transport coop ang maong ayuda.
Samtang gitawag usab ni Lagare ang transport system sa GenSan nga palpak tungod sa pagkatanggong sa implementasyon sa transportation code nga gipasa nga gibasol gihapon kang Atty.Clarin.
Apan gitino ni Atty.Armando Clarin, nga uyon siya sa transportation code gawas sa probisyon nga tugutan ang trisikel sa national highway nga maoy gikalain matud pa og buot ni Lagare.
Gawas niini, gibutyag usab nga nahimo nang balaod ang Ordinance number 58 human wala ma-veto sa mayor.
Samtang hangyo usab ni Clarin sa iyang mga kritiko nga mag-focus sa isyu ug dili sa personalidad tungod lahi na usab kini hisgutanan.
