Inihayag ni Commission on Elections Commissioner George Garcia na naging matiwasay ang unang araw ng Local Absentee Voting (LAV).
Ayon kay Garcia dinagsa ang mga presinto sa iba’t-ibang panig ng bansa kahapon ng mga eligible voters.
Kabilang na dito ay mula sa hanay ng mga government employees, security forces, at media.
Nilinaw naman ni Garcia na walang walk-in sa local absentee voting at ang tanging papayagan lamang ay ang mga botanteng naberipika at nag-aplay para sa LAV.
Naniniwala naman ang comelec commissioner na mataas ang magiging voters turnout ng LAV mula sa mahigit 84,000 na pinayagang lumahok sa naturang botohan.
