Pinatawan ng indefinite suspension ng Nigerian government ang Twitter sa kanilang bansa.
Ipinaliwanag ng Ministry of Information and Culture na ito ay matapos burahin ng Twitter ang tweet ni President Muhammadu Buhari na sinasabing offensive.
Nakasaad sa tweet ni Buhari ang pagbabanta nito na haharapin ang mga tao na kanyang sinisisi sa “recurring attacks” sa mga public infrastructure sa rehiyon.
Inakusahan ni Information Minister Lai Mohammed ng pagiging double standard ng Twitter dahil sa naging aksyon nito.
Inakusahan din ng Nigerian government ang American social media company ng pagpapagamit sa mga aktibidad na nagmamaliit sa corporate existence ng kanilang bansa.
