BORACAY, ISLAND — Ginaeauman nga mas pang magaabo ro turistang magaagto sa isla it Boracay makarung nagahilapit eon ro holiday season.
Bangud ginbuoe eon ro RT-PCR test sa mga vaccinated tourists, posibleng umabot sa ap-at nga libo ro turistang magaabot sa isla kada adlaw.
Nasayuran nga supisyente eon makarun ro validators sa isla nga magabatun it mga tourist applications para sa QR code.
Matandaan nga may pilang mga turistang nagreklamo ku nagtaliwan nga dominggo bangud sa aberya partikular ro kapaseawan nga makabuoe it required nga QR code sa tamang oras.
Umpisa November 1 to 14, umabot sa 24,355 ro mga turistang nagbakasyun sa Boracay. / ANN DESLENE SALAZAR
