Gin aligar nga gin discriminate o gin paka maisot ru sagka turista ag 13 nga mga kaibahan samtang naga bakasyon sa isla it Boracay.
Base sa report it Malay MPS, sangka 26 anyos nga babaye ru tagreklamo, sangka US citizen ag tubong Brgy. Buenavista, Nabas, Aklan.
Suno sa tagreklamo, naghinyo imaw ag anang mga kaibahan sa babayeng empleyado it bar nga kun pweding makasueod apang gin balibaran dahil sa kabo sigun kanda sa grupo.
Rason nga naghueat sanda sa liwan kun sin-o ru magaguwa agud makasueod sanda.
Ikara nagkutana it uman ru tagreklamo nag kun pweding makasueod eon sanda apang sabat gihapon it empleyado hay indi pwede daea ru maeain nga pagtueok halin sa siki ag ueo.
Ikara nagpanaw lang ru tagreklamo ag anang mgakaibahan paeayo sa lugar.
Samtang, bago matabo ru insidente hay may una eon nga kapareho insidente sa mga mga turista. //MARIVIC Y. ILIN
