NAGA CITY- Ipinagdiriwang ngayon ng mga Muslim o nasa pananampalatayang Islam ang Eid’l Adha (Feast of Sacrifice) ang pag alala sa naging sakripisyo ni Ibrahim. Ideneklara ng Palasyo na Regular Holiday ang Hulyo 9 upang bigyang daan ang okasyong ito.
Sinabi sa Brigada News FM ni Naga City Muslim Affairs Office Head at Camarines Sur Muslim Federation President Mike Mustapha na balik na sila sa dating pagtitipon; pagtitipon na hindi nagawa noong mataas ang COVID-19 cases.
Maliban sa pagsalu-salo ng mga halal na pagkain, magkakaroon din ng pagbabahagi ng biyaya sa ibang mas nangangailangan.
Hiling ngayon nina Mustapha tuluyan nang makabangon ang ekonomiya ng bansa. Sa Naga at Camarines Sur pagnenegosyo ang pangunahing ikinabubuhay ng mga muslim.
