Aksidenting bumangga sa puno’t kahoy ru trucking nga may mga kargang 50 bilog nga mga alagang baka Brgy. Panayakan, Tangalan, Aklan kabie.
Suno sa pagpahayag BRIGADA News FM Kalibo it driver nga si Mr. Ernesto Mondragon, 50 anyos it Narra Hilado St., Villamonte, Bacolod City, Negros Occidental, na lost control ru manobela it trucking nga anang gina maneho.
Rason nga bumangga sa puno’t kahoy sa kilid it karsadahon ag dayon bumangga sa barandilya.
Naka angkon it lastro sa ueo ru driver samtang salbar man ru 2 mga pahinante.
Samtang, nayupi ru prente nga parte it trucking.
Gin komperma man it driver nga iga transport konta ru mga alagang baka sa Metro Manila halin sa Bacolod City kat matabo ru aksidente. //MARIVIC Y. ILIN
